|
Оеқ тавони нимага ерилади
| 17.05.2011, 09:47 |
Oyoq tovoni nega yoriladi? Chiroyli qo'llar singari chiroyli oyoq ham juda kurkam ko'rinadi. Biroq ko'p kishilar oyoqlariga e'tibor bermaydi. Parvarish qilinmagan oyoq jussani xunuklashtiradi va umumiy sog'likka salbiy ta'sir etadi. Oyoqlarga, xususan, tovonlarga doimo gavda og'irligi tushib turganidan ular zo'riqadi. Zo'r kelishi natijasida oyoq mushaklari, bo'g'inlari, qon tomirlari, tovon va terisiga shikast yetadi. Mushak paylarining tug'ma zaifligi (nasldan-naslga o'tadi) natijasida oyoqlarda turli o'zgarishlar sodir bo'ladi. Poyabzal ham oyoqqa juda ta'sir etishi isbotlangan. Tovonning normal shakli buzilmasin, o'zgarmasin, yorilmasin, barmoqlar qiyshaymasin, desangiz, poyabzalning qulayini va oyog'ingizga loyig'ini tanlash muhim ahamiyatga eta. Ba'zi odamlarning tovoni yorilib, terisi quruqlashib ketadi. Tovon yorilishi kasalligi garchi inson hayotiga xavfli bo'lmasa-da, sog'likka zarar beradi. Natijada yurish-turish qiyinlashadi. Ayniqsa, jismoniy ish qilinganda qattiq og'riq paydo bo'lib, kechasi achishib, goho lo'qillab og'riydi, isitma chiqishi va kecha bedor o'tishi mumkin. Bolalardagi tovon jarohati ularni injiq qiladi, yig'iga sabab bo'ladi. Vazni og'ir odamlar uchun bu kasallik anchagina tashvish va bezovtalik tug'diradi. Tovon yorilishining sabablari har xil bo'ladi: 1. Tovonni uzoq yuvmay yurish tufayli qora kirlar ko'payadi. 2. Tovonning haddan tashqari qurib ketishi oqibati-da mayda qon tomirlarining faoliyati buziladi. Ularda qon oqish jarayoni qisman to'xtab qoladi. 3. Doimo suvda, zaxda bo'lish ham bitta sabablardan. 4. Tovonning qattiq shamollashi ham zararlidir. 5. Sakrash natijasida tovon zarbga bardosh bera olmay, yorilishi mumkin. 6. Organizmda vitaminlar, har xil hayotbaxsh mineral tuzlar va modda elementlari kamayib, immunitetning pasayib ketishi ham sababchidir. 7. Asabiy-ruhiy holat va kechinmalarda bunga ta'sir ko'rsatadi. Tovonim yorilmasin, desangiz... 1. Uni doimo iliq suvda yuvib turish kerak. 2. Tovon quriy boshlagach, tezda oldini olib, davolash choralarini ko'rish lozim. 3. O'z tovoningizdan ham tez-tez "xabar" olib turing. 4. Shaxsiy gigiyena qoidalariga rioya qiling, chunki tozalik, pokizalik-salomatlik garovi. Tovon yorilishini davolash ayrim choralari: 1. Tovonni iliq suvda sovunlab yuvib, quritib, eritilgan qora qo'chqor yog'i surkash lozim. Yog'ni surkab ustiga bir parcha sellofan yopib, paypoq kiyib yotish kerak. Bu amal tovon mutlaq tuzalib ketguncha har kuni yotish oldidan (kechasi) bajarilishi darkor. 2. Aloe bargining ichidagi shillig'ini yorilgan tovonga chaplab bog'lab olish ham davodir. 3. Bargizubning bargini yuvib, yuvilgan quruq tovonga qoplab paypoq kiyib yotish tavsiya etiladi. 4. Oddiy dog' qilingan paxta yog'ini yoki qo'y (echki) yog'innng bir parchasini qizdirib, yorilgan joyga surkab yotsa ham, yordam beradi. 5. O'rik yoki shaftolining mag'izi yog'ini xasta tovonga surkash ham koni foyda. 6. Tog'oradagi issiq suvga (35-36 darajada) ichimlik sodasi (1 litrga 1 osh qoshiq) yoki moychechak (romashka) guli damlamasi (1 litrga 3 osh qoshiq) qo'shib yuborib, shu suvga oyoqlaringizni solib o'tiring (10-15 daqiqa). Agar tovoningiz terisida shilingan joylar ham bo'lsa, suvga oshlovchi va mikrobsizlantiruvchi moddalar - kalendula (tirnoqgul) damlamasi (1 litrga 1 osh qoshiq) yoki qichitqi o't (krapiva) (1 litrga 2 osh qoshiq) solasiz. Yoki kaliy permanganati (margantsovka)ning nimtatir eritmasidan foydalaning. 20-30 daqiqadan so'ng oyoqni quritguncha artasiz va vazelin yoki glitserin surasiz. Qo'lingiz kafti bilan oyoq barmoqlaridan tovonga tomon ohista silang, tovondagi qon aylanishi yaxshilanadi.
|
Категория: Мои файлы | Добавил: JASUR
|
Просмотров: 9656 | Загрузок: 0
| Комментарии: 1
| Рейтинг: 1.9/25 |
|
|
Админ билан боғлан |
jasik_088@bk.ru |
|